«مريم مصباح» تكتب: شواذ معادلة السعادة

الكاتبة مريم مصباح الكاتبة مريم مصباح
تنشر وكالة أنباء الدقهلية مقالاً للكاتبة الشابة مريم مصباح تحت عنوان شواذ معادلة السعادة.
 
نص المقال..
 
بيمر علي كل واحد مننا حجات معينه طول ما هي جواه، و ملك له هو بس بتكون مصدر للفرح وللسعادة، في الوقت اللي بنتضايق فيه او بينهار جزء من دفاعنا و مقاومتنا.
 
بتقل قدرتنا اننا نكمل حياتنا، وقتها تيجي علي البال أسرارنا الخاصة تهدي تضحك، تفرح.
 
صحيح أن من أهم معادلات السعادة إنها الشئ الوحيد اللي لو اتقسم مع حد يذيد وإنها بتتشر مع الأوكسجين في الجو بس ماتنساش إن لكل قاعدة شواذ. ممكن حاجة معينة بتفرحك تيجي تشاركها مع غيرك تزعلك، حاجة بتهديك تقولها لحد يستخف بيها و يعصبك.
 
أسرار قديمة،حكايات مستخبية، أحلام طفولية تشاركها مع حد مايفهمش قصدك أو حتي يقدر فرحتك احتمال ينكد عليك أو يعكنن مزاجك مش هايكون إحساس حلو ان سعادتك تتحول لغم.
 
لازم تفرق كويس بين أيه يتقال و أيه يستخبي جواك خلي بينك و بين نفسك ضحكة وسط دموعك. خلي لنفسك هدية من وقت للتاني تتكافئ بيها ، خلي جواك ألغاز محدش غيرك يقدر يعرفها.

التعليقات

أخبار ذات صلة